Dateschutz

Dësen Internetsite gëtt bereetgestallt vu Verian Group Limited am Numm vu Verian ("mir"), woubäi Verian fir d'Verschaffe vun den Date verantwortlech ass a sech engagéiert, Är Privatsphär ze schützen an ze respektéieren.

Fir den Zweck vun dëser Politik gi "perséinlech Daten" definéiert als Informatiounen, déi sech op eng identifizéierbar a liewend Persoun bezéien.

Dës Politik leet d'Basis fest, op där mir perséinlech Daten, déi mir vun Iech erhiewen oder déi Dir eis matdeelt, verschaffen, a bezitt sech ausschliisslech op d'Internetsäite vu pvoice.net ("eise Site"). Si gëllt NET fir Daten, déi vu Participanten un der Public Voice-Etüd iwwermëttelt ginn, déi eis Sozialfuerschungsëmfroen ofgeschloss hunn oder demnächst ofschléisse wäerten. Fir d'Dateschutzpolitik, déi sech op d'Public Voice-Ëmfroe bezitt, klickt wgl. hei.

INFORMATIOUNEN, DÉI MIR VUN IECH ERHIEWEN

Mir erhiewen a verschaffen déi follgend Daten op eisem Site:

• Informatiounen, déi Dir ugitt, wann Dir Formulairen op eisem Site ausfëllt.
• Informatiounen, déi Dir ugitt, wann Dir e Problem mat eisem Site mellt.
• Wann Dir eis kontaktéiert, ass et méiglech, datt mir dës Korrespondenz späicheren.
• Wann Är perséinlech Kontaktinformatioune sech änneren, kënne mir eis Anträg aktualiséieren, fir datt Dir weiderhi bei der Etüd matmaache kënnt.
• Detailer iwwer Är Visitten op eisem Site, dorënner, ënnert anerem, d'Date vum Trafic, d'Daten iwwer de Standuert, Weblogs an aner Kommunikatiounsdaten, wann dat fir eis eege Facturatioun oder fir aner Zwecker néideg ass, an d'Ressourcen, op déi Dir zougräift.

IP-ADRESSEN

Mir kënnen Informatiounen iwwer Äre Computer erhiewen, dorënner Är IP-Adress, Äre Betribssystem an den Typ vu Browser, wann dës Informatiounen disponibel sinn, fir d'Administratioun vum System. Dës Informatioune gi benotzt fir statistesch Daten iwwer d'Navigatiounsaktiounen a -verhale vun eise Benotzer ze generéieren.

WÉI MIR ÄR PERSÉINLECH DATE BENOTZEN

Mir hunn hei drënner d'Manéieren, op déi mir Är perséinlech Date benotzen, opgelëscht. Mir sinn och vum Gesetz hier verflicht, d'gesetzlech Basis, op där mir Är perséinlech Date benotzen, z'erklären an dat maache mir och hei drënner. D'gesetzlech Basis ass an all Fall, datt mir Äert Averständnis fir d'Benotzung vun Äre perséinlechen Daten hunn, oder datt mir Är perséinlech Date musse benotzen, fir e Kontrakt mat Iech auszeféieren, oder datt d'Benotzung vun Äre perséinlechen Daten néideg ass fir eis legitim Interessien (oder déi vun Drëtten) (an dësem Fall erkläre mir, wat dës Interessie sinn).Wa mir Är perséinlech Date mat Ärem Averständnis benotzen, hutt Dir d'Recht, zu all Moment Äert Averständnis zeréckzezéien.

• Fir ze garantéieren, datt den Inhalt vun eisem Site op déi effizientst Manéier fir Iech an Äre Computer presentéiert gëtt (dat baséiert op eisem legitimen Interessi fir ze garantéieren, datt eise Site Iech op déi effizientst Manéier presentéiert gëtt).
• Fir Iech Informatiounen, Produiten oder Déngschter ze liwweren, déi Dir bei eis ugefrot hutt oder vun deene mir mengen, datt se Iech kéinten interesséieren, wann Dir Iech domat averstanen erkläert hutt, zu dësem Zweck kontaktéiert ze ginn (dat baséiert op Ärem Averständnis, dat Dir zu all Moment zeréckzéie kënnt).
• Fir eis Obligatiounen am Zesummenhang mat Kontrakter, déi mir mat Iech ofgeschloss hunn, z'erfëllen (dat baséiert um Besoin vum Kontrakt - mir mussen Är perséinlech Date benotzen, fir eise Kontrakt mat Iech ze erfëllen).
• Fir Iech et z'erlaben, un interaktive Funktioune vun eisem Déngscht deelzehuelen, wann Dir Iech entscheet, dat ze maachen (dat baséiert op Ärem Averständnis, dat Dir zu all Moment zeréckzéie kënnt).
• Fir Iech iwwer Ännerunge vun eisem Déngscht z'informéieren (dat baséiert op eisem legitimen Interessi, Iech iwwer Ännerunge vun eisem Service z'informéieren).

Mir erhiewen a verschaffe perséinlech Date fir déi uewe genannt Zwecker, mir deelen Är perséinlech Daten awer net mat Drëtten oder verkafe se un Drëtter (och net déi perséinlech Date vu Kanner), et sief dann, dëst wier gesetzlech virgeschriwwen oder Dir hätt deem op eng aner Manéier zougestëmmt.

WOU MIR ÄR PERSÉINLECH DATE SPÄICHEREN

Är perséinlech Date kënne vun Entreprisen aus dem Verian-Grupp oder vun externe Prestatairë fir Zwecker wéi den Traitement vun den Daten bannent der EU erhuewen, iwwerdroen oder verschafft ginn. All d'Parteie si vertraglech verflicht, Informatiounen, déi si erhiewen an un eis weiderginn oder déi mir erhiewen an u si weiderginn, vertraulech ze behandelen a se mat Sécherheetsstandarden a -praktiken ze schützen, déi eisen eegenen entspriechen.

Wann Är perséinlech Daten an e Gebitt ausserhalb vun der EU iwwermëttelt ginn oder do gespäichert oder op eng aner Aart a Weis traitéiert ginn, an dëst Gebitt net als e Gebitt unerkannt ass, dat en adequaten Niveau un Dateschutz bitt, dann riichte mir eng adequat gesetzlech Ofsécherung an. Dozou zielen zum Beispill Standardvertragsklauselen, déi vun der Europäescher Kommissioun an anere relevanten Autoritéiten approuvéiert sinn, d'Zesummenaarbecht mat Parteien, déi verbindlech unternehmensintern Reegelen oder aner konzernintern Prozesser agefouert hunn, Äert Averständnis, fir perséinlech Daten z'iwwermëttelen, wann d'Iwwermëttlung fir d'Erfëllung vun engem Kontrakt mat eis néideg ass oder wann e Kontrakt an Ärem Numm ofgeschloss gouf oder wann d'Iwwermëttlung néideg ass, fir rechtlech Uspréch ze begrënnen, auszeüben oder ze verdeedegen.

D'SÉCHERHEET VUN ÄRE PERSÉINLECHEN DATE GARANTÉIEREN

Mir hunn adequat technologesch an organistoresch Moossnamen en place gesat, fir Är perséinlech Daten ze schützen an ënnerhuelen all raisonnabel Schrëtt fir sécherzestellen, datt Är perséinlech Date sécher verschafft ginn. All Informatiounen, déi Dir eis zur Verfügung stellt, ginn op séchere Serveuren an engem sécheren Ëmfeld gespäichert. Leider ka bei kenger Iwwerdroung vun Daten eng 100%eg Sécherheet garantéiert ginn. Obwuel mir alles drusetzen, fir Är perséinlech Daten ze schützen, kënne mir deemno d'Sécherheet vun Informatiounen, déi Dir un eis iwwermëttelt oder vun eisen eegene Produiten oder Déngschter net sécherstellen oder garantéieren. Dir handelt deemno op eege Gefor. Soubal Ären Transfert bei eis ukënnt, ënnerhuele mir all raisonnabel Moossname fir d'Sécherheet vun eise Systemer.

All eis extern Fournisseuren, Prestatairë fir de Site a Mataarbechter si vertraglech verflicht, sech un eis Richtlinnen a Verfaren a Bezuch op Vertraulechkeet, Sécherheet a Privatsphär ze halen.

Mir halen eis un déi follgend branchëspezifesch Ufuerderungen:

• Den RGPD vun der EU an all follgend gesetzlech Virschrëften, déi vun Zäit zu Zäit kënne geännert ginn
• Mir halen eis un d'ESOMAR-Verhalenscoden
• Am Vereenegte Kinnekräich si mir vun der Market Research Society (MRS) als Partner-Entreprise akkreditéiert

KORREKTHEET

Cookië si kleng Textfichieren, déi op Ärem Computer oder Gerät vun engem Internetsite gespäichert ginn, deen eng numeresch Benotzer-ID attribuéiert a verschidden Informatiounen iwwer Äert Surfverhalen am Internet späichert. Se gi vu Webentwéckler benotzt, fir de Benotzer ze hëllefen, effizient op Internetsitten ze surfen a verschidde Funktiounen auszeféieren. Den Internetsite schéckt Informatiounen un de Browser, deen dann en Textfichier kreéiert. All Kéier wann de Benotzer zeréck op dee selwechten Internetsite geet, fënnt de Browser dëse Fichier a schéckt en un de Server vum Internetsite.

Mir sinn op Är Hëllef ugewisen, fir Är perséinlech Date korrekt, komplett an aktuell ze halen an Dir sidd dofir verantwortlech, datt mir iwwer Aktualiséierungen oder Ännerunge vun Äre perséinlechen Daten informéiert ginn.

COOKIEN

Cookies are small text files stored on your computer or device by a website that assigns a numerical user ID and stores certain information about your online browsing. Web developers use them to help users navigate their websites efficiently and perform certain functions. The website sends information to the browser which then creates a text file. Every time the user goes back to the same website, the browser retrieves and sends this file to the website's server.

Mir benotzen op eisem Internetsite keng Cookien. Wa Cookië vun enger Partner-Plattform verlaangt ginn, gëtt dat an der Dateschutzpolitik vun der Plattform matgedeelt.

WÉI LAANG MIR ÄR PERSÉINLECH DATE SPÄICHEREN

Mir versuergen Är perséinlech Daten nëmmen esou laang, wéi et fir d'Zwecker, fir déi mir se benotzen, néideg ass. Den Zäitraum, wärend deem mir Är perséinlech Date versuergen, gëtt duerch eng Rei vu Krittäre bestëmmt, dorënner d'Zwecker, fir déi mir d'Informatioune benotzen, d'Quantitéit an d'Sensibilitéit vun den Informatiounen, de potenzielle Risiko duerch net autoriséiert Benotzen oder Verëffentleche vun den Informatiounen an eis gesetzlech a regulatoresch Obligatiounen. Perséinlech Daten, déi net méi gebraucht ginn, ginn esou entsuergt, datt hire vertrauleche Charakter net a Gefor bruecht gëtt.

Am Aklang mat eisem Business Continuity-Plang a wéi vun eisen ISO 27001-, ISO 9001- an ISO 20252-Certificatiounen, an a verschiddene Fäll vum Gesetz, virgeschriwwen, ginn eis elektronesch Systemer gebackuppt an archivéiert. Dës Archiver gi fir e festgeluechten Zäitraum an engem streng kontrolléierten Ëmfeld versuergt. Soubal deen Zäitraum ofgelaf ass, ginn d'Date geläscht an de physesche Support zerstéiert, fir sécherzestellen, datt d'Date vollstänneg geläscht sinn.

ÄR RECHTER

Dir hutt déi follgend Rechter am Zesummenhang mat Äre perséinlechen Daten (verschidde vun dëse Rechter sinn nëmmen ënnert bestëmmten Ëmstänn applicabel a verschiddener dovun hänke vun der gesetzlecher Basis of, op där Är Date verschafft ginn, oder vum Territoire, op deem Dir Iech befannt):

• D'Recht, Är Meenung ze änneren an Äert Averständnis zeréckzezéien
• D'Recht, op Är perséinlech Daten zouzegräifen
• D'Recht, Är perséinlech Daten ze verbesseren
• D'Recht, Är perséinlech Daten aus eise Systemer läschen ze loossen, et sief dann, mir hätten e legitimen Interessi fir mam Verschaffe vun den Informatioune weiderzefueren
• D'Recht, Är perséinlech Daten ze transferéieren (Recht op Portabilitéit)
• D'Recht op d'Aschränkung vum Verschaffe vun Äre perséinlechen Daten
• D'Recht, Iech dem Verschaffe vun Äre perséinlechen Daten ze widdersetzen
• D'Recht, net diskriminéiert ze ginn, wann Dir eent vun de Rechter, déi Iech laut den aktuellen Dateschutzgesetzer zoustinn, ausüübt.

Wann néideg, informéiere mir och aner Parteien, wéi eis Fournisseuren oder Déngschtleeschter, un déi mir Är perséinlech Daten iwwermëttelt hunn, iwwer all Ännerungen, déi mir op Är Ufro hi maachen. Mir weisen drop hin, datt mir extern Parteien zwar informéieren, awer net fir hir Handlungen als Äntwert op Är Ufro verantwortlech sinn. Dir sidd méiglecherweis an der Lag, op Är perséinlech Daten, déi bei dëse Parteien hannerluecht sinn, zouzegräifen a se ze verbesseren, ze änneren oder ze läschen, wa se net richteg sinn.

Wann Dir eent vun dëse Rechter ausübe wëllt, kënnt Dir eng E-Mail schécken un lu@pvoice.eu oder d'Informatioune benotzen, déi ënnen an der Rukrik "Eis kontaktéieren" vun dësem Site/dëser Politik ugewise ginn. Mir weisen drop hin datt Dir, wann Dir Iech mat enger E-Mail-Adress oder Kontaktinformatiounen, déi eis net bekannt sinn, un eis adresséiert, och eng Kopie vun engem gültegen Identifikatiounsdokument (z. B. Fürerschäin oder Pass), dat vun enger Regierung oder enger anerer offizieller Autoritéit ausgestallt gouf, virleeë musst.

LINKS OP ANER INTERNTSITTEN

Eise Site kann heiansdo Links op a vun den Internetsitte vun eise Partnernetzwierker a Geschäftspartner enthalen. Wann Dir op e Link op ee vun dësen Internetsitte klickt, huelt wgl. an Uecht, datt dës Internetsitten hir eegen Dateschutzpoliticken hunn an datt mir keng Verantwortung fir dës Politicken iwwerhuelen. Liest dës Politicke wgl. duerch, éier Dir iwwer dës Internetsitte perséinlech Daten iwwermëttelt.

WÉI DIR EIS KONTAKTÉIERE KËNNT

Wann Dir mat eisem Ëmgang mat Äre perséinlechen Daten onzefridde sidd, da wiere mir frou, wa mir dat behiewe kéinten. Kontaktéiert eis wgl. iwwer lu@pvoice.eu oder schrëftlech iwwer d'Adress Compliance Officer, Verian Ltd, 4 Millbank, Westminster, London, SW1P 3JA, a mir suergen dofir, datt een Iech kontaktéiert. Mir ginn alle Reklamatiounen no a probéieren déi, déi eis berechtegt erschéngen, ze léisen.

Wann Dir Froen oder Bemierkungen hutt, kënnt Dir den Dateschutzbeoptraagte vu Verian kontaktéieren iwwer d'E-Mail-Adress compliance@veriangroup.com

ÄNNERUNGEN UN EISER DATESCHUTZPOLITIK

Déi aktuellst Dateschutzpolitik gëtt ëmmer op dësem Internetsite ugewisen. Mir ginn un, wéini d'Politik fir d'lescht aktualiséiert gouf.

Dës Politik gouf fir d'lescht de 25.01.2024 aktualiséiert.