FAQs
Dës Säit enthält Informatioune fir d'Leit, déi invitéiert goufen, bei Public Voice matzemaachen.
Firwat gouf ech invitéiert fir deelzehuelen?
Zënter dem Ufank vun dëser Etüd goufen iwwer 100.000 Stéit an der EU opgefuerdert fir matzemaachen. Äre Stot zielt och dozou a gouf nom Zoufallsprinzip ausgewielt. Mir hu keng aner Informatiounen iwwer Äre Stot.
Dir kënnt Iech vum Public Voice-Panel ofmellen, andeems Dir eis Helpline kontaktéiert iwwer d'Adress lu@pvoice.eu
Wat geschitt mat mengen Äntwerten?
Mir benotzen d'Informatiounen, déi Dir eis matdeelt, fir d'Bandbreet vun de Meenunge vun den EU-Bierger besser ze verstoen.
D'Froe betreffe vill verschidden Theemen an déi meescht missten einfach ze beäntwere sinn. Fir Är Äntwerte besser ze verstoen, froe mir Iech och no e puer perséinlechen Informatiounen, dozou zielen och Är ethnesch Zougehéiregkeet an Är Gesondheet. Och wann all d'Froe wichteg fir eis sinn, kënnt Dir déi, déi Dir léiwer net beäntwere wëllt, iwwersprangen.
Wéi gëtt fir d'Sécherheet vu mengen Date gesuergt?
Är perséinlech Informatiounen ewéi Numm an Adress gi sécher vu Verian Group versuergt an nëmme benotzt, fir Iech am Zesummenhang mat Public Voice ze kontaktéieren. Kee Sponsor vun der Fuerschung kritt Zougang zu dësen Informatiounen.
D'Participatioun ass fräiwëlleg an all Informatiounen, déi Dir eis matdeelt, ginn nëmme mat Ärem däitlechen Averständnis benotzt. Är Äntwerte ginn am Aklang mam Allgemengen Dateschutzreglement (RGPD) verschafft.
Är perséinlech Date ginn op engem séchere Serveur gespäichert zu deem nëmme Leit Zougang hunn, déi dat brauchen. D'Iwwerdroe vun Informatiounen erfollegt ëmmer geséchert iwwer e verschlësselten Iwwerdroungsystem.
Kann ech unhand vu mengen Äntwerten identifizéiert ginn?
Är Äntwerte ginn esou verschafft, datt keen an der Lag ass, Iech perséinlech unhand vun Ären Äntwerten an der Ëmfro z'identifizéieren. Ären Numm, Är Adress, Är Kontaktinformatiounen an all aner perséinlech Informatioune ginn erausgeholl, sou datt se net mat Ären Äntwerte verbonne sinn.
Är Äntwerte gi mat deene vun anere Leit an engem anonymiséierten Datesaz kombinéiert an dann un de Sponsor vun der Fuerschung ausgehännegt.
Kann ech mech zeréckzéien?
Dir kënnt zu all Moment froen, aus der Public-Voice-Etüd erausgeholl ze ginn, an Är perséinlech Informatioune ginn dann esou séier ewéi méiglech geläscht.
Vun deem Moment u kritt Dir keng Ëmfroe vu Public Voice méi geschéckt. Mir sinn awer net an der Lag, Är Äntwerten aus Ëmfroen, déi zum Zäitpunkt vun Ärer Ufro schonn ofgeschloss sinn, erauszehuelen.
Wann Dir dat maache wëllt, kontaktéiert wgl. eis Helpline iwwer d'Adress lu@pvoice.eu. Gitt an Ärer Noriicht wgl. Äre vollstännegen Numm an Är perséinlech Referenznummer un, déi Dir an Ärer Invitatioun fanne misst.
U wie kann ech mech wenden, wann ech méi Informatiounen iwwer d'Etüd vu Public Voice kréie wëll?
Dir kënnt eis eng E-Mail schécken op lu@pvoice.eu. Mir kommen esou séier ewéi méiglech op Iech zeréck (normalerweis bannent dräi Schaffdeeg).